خايفه ليه .......... بقلم // سليمان كااااامل .... *********************

خايفه ليه ..........
بقلم // سليمان كااااامل ....
*********************
خايفه ليه
تيجي تانيه
ولا تالته ولا رابعه
....
كنت إيه
غير بنت حوى
زي غيرك بنات وراضيه
.....
فكرك إنت
لما تكوني ف بيت أبوك
ييجي فارس حصانه أبيض
ياخدك ويرمح لجنه هاديه
.....
ولا تكوني زايده كيلو
أو يكون خطك مهندس
نظم حواجبك حته حته
......
فيها إيه
تكوني تانيه
تقتسموا لقمه بنفس راضيه
.......
ولا تالته فيها إيه
تتفقوا دايما تكونوا عليه
يمكن لما تكوني تالته
يتفقوا اتنين وتكوني إنت
البريمو فايزه
.......
خليك عاقله
رزينه وهاديه
واحسبيها لو كنت ناصحه
........
كم سنه مرت عليك
تندبي حظك وإنت قاعده
ويمر عام وكمان أعوام
يظهر بياضك وتروح اللمعه
.......
آه ياخايبه .....
فكري لما يجيك عيل
يشيل همومك ويواسي عمرك
ولا تكوني عبء وشيله
على عيله مايله
........
عمر الفلوس ماكانت سند
شوية مرض تروح الفلوس
ويبقى السند زوج أصيل
في وقت شده
........
فكري صح
يابت اخويا يابنت عمي
إيه يضرك لما تكوني تالته ورابعه
........
دا ممكن يكون لك زوج حنون
مهما تقاسمك فيه
تانيه وتالته
........
وممكن يكون لك زوج وحيد
وهو زي الشريك عنيد
يخلي عمرك ضياع ضياع
حتى لو قالك بحبك ياغاليه
...............................الرجااااء بلاش تطاول ..... هههههههههههههههههههه والقصيدة للترفيه في تلك الأيام الصعيبه
سليمان كاااااامل......2020/5/29الجمعة