قصيده .../ حبك يجذب بقلم .../ عاطف بيومى محمد
قصيده .../ حبك يجذب
بقلم .../ عاطف بيومى محمد
خدعت الناس بقصه حب
ف روحي قامت انخدعت بيها
قولت مفيش اجمل من ده قلب
راحت عيني شايفه الاحلي بعديها
والحلوه جت تواجهني
وبكل قسوه تعاتبني
مين دي اللي بكتب لها شعر
قولتها دي من وحي خيالي
قالت لي صعب دي تكون كذب
قالت لي دى بجد وحقيقة
وكل قصيدة المعني ليها واضح
الغزل والحب الصادق
دليل ان القلم عن حبها بيمدح
مش مجرد وحي وخيال
ولا الهام وبلاش مزحه
انت حقيقي كنت بتحب
واللي بتحبها مش انثي عادية
رد قلبي قبل لساني وقال
دى هي حبيبة عمري
والنور الساكن ف عنيا
دى هي الشمس المبتسمه
دى هي كل شي جميل فيا
بجد هي مش انثي عادية
دى هي ملكه جمال مصر ام الدنيا
نظره عينها سحريه
لون خدودها خلق الجاذبية
صوتها موسيقي كلاسيكية
مش موجوده ف بنات حوا
من غيرها الحب مش موجود
بالمختصر دي بشر نادر الوجود
وان كنت شفت جمالها فيكي
يبقي انا مش مجنون
الجمال بنسبالي حاله فرديه
لكن هي جمالها صعب فيه الوصف
انا لما بشوفها برجع تاني
كأني طالب واقف في الصف
ولما بشوف جمال عنيكي
بحس تاني ليها بالعطف
فمستحيل قلبي يكون عايش
ينسي توأم روحه بهذا الظرف
فانا وقلمي مش هاننسي
ملاك كان بتغير منه الشمس
تعليقات
إرسال تعليق