(صابره ).......الشاعر جمال سعد
الشاعر جمال سعد
كل ام وهيا طيبه بمناسبة أعياد الأمومه وكل امهات مصربخيروسلام وراحة بال
(صابره )
قولي يا امه ايه حكايتك
في الوحم لم اشتهيتي
فاكره يا امه يوم ولادتي
ولا عجزتي وناسيتي
قولتي كان حاملك تاعبني
ميت ألم فيكي وعانيتي
شوفتي فيه المر كله
عنه قولتي كتير قاسيتي
ولم جم ناس بيشوفوكي
سألوا عني انتي داريتي
قالو وداد ولا صابيه
يومها للقرأن قريتي
كنتي خايفه ليحسدوني
في الكتاب يامه تليتي
ولم قومتي من نفاسك
كان سبوعك واتعافيتي
قومتي تجري من سريرك
روحتي سوقنا واشتريتي
جيبتي كل حاجه حلوه
يوم سبوعي بيه هاديتي
جيبتي حمص فيه سوداني
للجيران شايله وداعيتي
جم معاكي عيال حارتنا
والفلوس منك عاطيتي
كنتي من الفرحه بتبكي
والدموع نزلت ساهيتي
يوم شهور تدعيلي أكبر
تحلمي انك خاويتي
كتير ياأمي انتي صبرتي
سهرانه بيا ولا اشتكيتي
كنت نايم بيا صاحيه
قولت أه انتي واسيتي
ولم إيدك جت عليا
فوق جبيني قوام بكيتي
شيلتي همي كتير ياغاليه
والمرض جاكي اتلاقيتي
نمتي رب الكون ندهلك
سيبتي بيتنا خلاص ماشيتي
تعليقات
إرسال تعليق