الرحلة.........احمد ابو زياد
الرحلة
الرحلة لوحه بخطوط
الهم مرسومه
أيام كاسيها المرار والحسره
والفرحه فيها معدومه
الدموع مليا العيون
والقلب جواه صرخه مكتومه
عايش اناجى الصبر
ليلى نهارى
وأتارى التوهه مكتوبه
آهه وراها آهه
وألف آهه
النفس حيرانه بتسأل
ياترى ظالمه و لا مظلومه
دايره الحياه وأيامها تمر
تفوت
قاتله جوايا الأمانى
نهارى ساقيه دايره
ليلى حزين السهد عنوانى
خطوتى تايهه وسحبانى
ما أعرف لفين وخدانى
ولا أسمع إلا صرخ الجراح
وأنين العذاب صحبه وعيشانى
وياترى أيه معنى الإبتسام
عمرى ما عرفت له معنى
الكل عايش السعاده
أما أنا
عايش اناديها. واتمنى
احمد ابو زياد
تعليقات
إرسال تعليق