الحلقة ( الثالثة عشر ) من المسحراتي من ديوان / ولسه الفؤاد عطشان للشاعر مصطفى فريد (. ١٣ )

الحلقة ( الثالثة عشر ) من المسحراتي 

من ديوان / ولسه الفؤاد عطشان 

للشاعر مصطفى فريد (. ١٣ )

تتر ٠٠٠

مسحراتى داير أنادى 

فى كل وادى اقول ياهادى 

أحرس ولادى وانصر بلادى

على الاعادى والطماعين

نبضى فى قلبى بيدق طبلى

زى اللى قابلى جادل فى حبلى

بحرى وقبلى نجوم بتضوى

بهجة وحنين

نقلة ٠٠٠

الحاج عنتر. قايم مبدر. 

علشان يدور. جوز السواقى. 

والخير يخضر. 

أرضه وقاصد. 

خير المقاصد. 

وجه الكريم

زغرد يافاس. خط بحماس. 

أبو قلب ماس. حط الأساس. 

شق القنايه. 

خط بعناية. 

الساقيتين.

طيرنا ياصابح. فى الجو سابح

بتغنى رابح. ياللى انت سارح. 

بين الموالح. 

والقلب طارح. 

رمان وتين.

فيناله ٠٠

بانادى دايما الله ربى وهادى قلبى

فى كل وقت وكل حين

ادعى لربك يغفر لذنبك

ويخف جرحك ويعم فرحك

وتروق ملامحك 

ويمد لينا شهره الكريم