الحلقة ( الثانية عشرة ) من المسحراتي من ديوان / ولسه الفؤاد عطشان للشاعر مصطفى فريد (.١٢ )
الحلقة ( الثانية عشرة ) من المسحراتي
من ديوان / ولسه الفؤاد عطشان
للشاعر مصطفى فريد (.١٢ )
تتر ٠٠٠
مسحراتى داير أنادى
فى كل وادى اقول ياهادى
أحرس ولادى وانصر بلادى
على الاعادى والطماعين
نبضى فى قلبى بيدق طبلى
زى اللى قابلى جادل فى حبلى
بحرى وقبلى نجوم بتضوى
بهجة وحنين
نقلة ٠٠٠
قالوا الرفيق.
قبل الطريق.
يكون صديق.
مخلص رقيق.
للجار فى ضيق.
خليك معاه.
أخ ومعين.
خليك فى صالحه.
راعى مصالحه.
لو جار عليه الزمن وجرحه.
رجع له فرحه.
زى ما وصى.
طه الأمين.
قاسمه فى قوتك.
أوعاك يفوتك.
لحظة سجودك.
تدعى لجيرانك.
إنسى خصامك
أبدر سلامك
فى كل حين
فيناله ٠٠
بانادى دايما الله ربى وهادى قلبى
فى كل وقت وكل حين
ادعى لربك يغفر لذنبك
ويخف جرحك ويعم فرحك
وتروق ملامحك
ويمد لينا شهره الكريم
تعليقات
إرسال تعليق