نخاف عليك.بقلم الدويدة عبد الرزاق
هذه القصيده بعنوان نخاف عليك وهي بالعاميه المغربية
نخاف عليك. يا بنتي
وسط هاذا الغابة
نخاف عليك من هاد الدنيا
اللي عامرة ديابة
نخاف عليك وانا معاك اليومة
وغدا نرحل عليك
وتبقاي وحدك مهمومة
صغيرة بلا تعلام
ما تعرفي لا قراية
ولا تهزي. الأقلام
قراي يا بنتي وتعلمي العلامة
قبل ما تندمي وما تنفعك ندامة
نخاف عليك يا ولدي
خوف ما بحالو خوف
اليوم انا نحن عليك ونروف
وغدا نرحل عليك وبعينك تشوف
تصبح مجهول منسي
بحال صحاب الكهوف
دايع جاهل بحال الحلوف
نخاف عليك يا ولدي
من غدر الزمان
إلى يرميك وسط الغابة
وانت ما زلت صغير
تاكلك الديابة
نخاف عليك يا بنتي نخاف عليك يا ولدي
إلى تبقاو بلا تعلام
جاهلين ما تقدرو تعزز الاقلام
نخاف عليكم يا ولادي
وسط هاد الغابة
نخاف عليكم وسط هاد الدنيا
اللي عامرة ديابة
بقلم الدويدة عبد الرزاق
تعليقات
إرسال تعليق