مابقى ما يعجب ..........بقلم الدويدة عبد الرزاق
هذه القصيده بعنوان مابقى ما يعجب وهي بالعاميه المغربية
ما بقى في هاذ الدنيا ما يعجب
عمرات بالبغض والحقد
كثرات الحروب
تقهرات الشعوب
الإنسان عاطيها غير الحسد
فين المحبة فين النخوة
فين الشهامة فين المروة
فين المعقول فين الجد
ما بقى في الدنيا ما يعجب
الخوت تحالفو مع إبليس
ورماو خوهم في غيابات الجب
ما راعاو لا الدم لا البزولة
وما دوزو في الطفوله
كثر الظلم كثر الطغيان
فين العدل فين الميزان
فين الإحسان فين الإنسان
فين المعقول فين الجد
ما بقى في الدنيا ما يعجب
قسات القلوب صبحت كالحجر
وعظمات الذنوب
وتفشى الشر
طاح الليل وغاب القمر
وكان الإنسان في الدنيا تقبر
فين المعقول فين الجد
تبدل الحال تحكم المال
قلو الرجال
عم الجراح كثر النواح
قلت الافراح
فين هو الصباح
فين المعقول فين الجد
ما بقى في الدنيا ما يعجب
عم الظلام فين المحبة
فين السلام فين الطمأنينة
فين الوئام
مات السلام مات الحمام
مات المعقول مات الجد.
ما بقى في الدنيا غير العجب
بقلم الدويدة عبد الرزاق
تعليقات
إرسال تعليق