(شغير هالزمن ) شعر عارف شلش الساعدي
(شغير هالزمن )
شعر عارف شلش الساعدي
اشغيرك يابشر گلي
اوعشنه اوشفنه ابزمنه
ماكو جار ايح لجاره
ولا اخي البيع محنه
ولاابن يسال على اهله
الاياس وانگطت الظنه
وتغيرت ذيچ المناهج
وفوضى صارت لنها عدنه
وطششت ذيچ العوایل
ولاکو زوجه التحترمنه
وحتى اولادك العندك
والسبب محتل دخلنه
خرب ودمر بلادي
وچنها خربانه ابلدنه
النا ماهي الناس چنها
وانشالت الغير ه من اهلنه
وكقر بيها الحزن عدها
ولاكو كل رحمه اوكفرنه
بس دجل والخدعه صارت
ولنها اوقاف الشعبنه
وهالوزارة الغيروها الطائفيه
وقف شيعي اوقف سنه
والوقف صبي اومسيحي
لو يزيدي اوعدنه فتنه
وهالحصص كلهم مصالح
وذيچ تنطیك الف معنه
وقسمونه وفرقونه
وجابو الاقطاع عدنه
ومنهم البالحضره يخدم
واشترى بيها الجنه
ايحصنك تدري بكلامه
وابدعائه الينطي معنه
ايريد خمسك لوزكاتك
ويطرد الشر اويدفنه
لو متنطيه اليشتمك
ويدعي من الله اليلعنه
كافي بسك عاد فتش
هالجاهليه الترجع انه
احبس ابگلبك العبره
ولاتذبلك الف ونه
يابلدنه شبيك تنذل
وخيم الجهل ابشعبنه
شغيرك يابشر گلي
اوعشنه اوشفنه ابزمنه
تعليقات
إرسال تعليق