خطى يا عيونى خطاويك .. بقلم...محمودعلى احمد
خطى يا عيونى خطاويك .. عل الأرض و ما تهدى
بروحى و قلبى أرعاك .. منين ما تروحى و تعدى
يا شجرة ورد تطرح .. كل يوم الحب متندى
مشاويرى عل الشوك .. بلهفة و شوق و أناديلك
يا سر الفرحة جوايه .. نجومى و قمرى فى سماى
تنورى ليلى تدفينى .. و تاخدى قلبى فى احضانك
و فى نهارى بتهدينى .. يا شمسى و ظلى و ضيا عينى
و أفرشلك جناين ورد .. تخطى بشوق و ترتاحى
و أغنيلك مواويلى و تتهنى .. يا عروسة كل افراحى
و على الحصان أطير بيكى .. لنجمتى و سعدى
بنات الحور تغير منك .. قلبى أختار و حبيتك...
بقلم...محمودعلى احمد
تعليقات
إرسال تعليق