حلم من الأحلام/الشاعرة المبدعة ملك الأصفر_مجلة أمراء العرب للأدب والشعر

حلم من الأحلام ....

 يا الله بهاك الحارة 

أديش كنا مبسوطين 

بين بيوت الطين

 الحلوة وأهلا الناس الطيوبين 

أديش نطينا بالحارة
 أنا ورفقاتي الحلوين
 ولعبنا زقطة وطميمة
 وأديش كنا فرحانين

 وكنا من الصبح بكير 

نفيق ونطلع على الحارة 

ونغني مثل حساسين

 ونلعب قطار وسيارة 

ولما أمي تنادي علينا 

 نتخبا ببيت الجارة

 ونرجع بعدا على البيت 

ناكل من أمي طيارة ...

 وعاشية نقعد بالبيت

 نتفرج عالتلفزيون

 يا إما نحكي حكايات 

لحد ما تدبل لعيون

 ونشرب قرفة وزنجبيل

 وشاي ويانسون وكمون

 وكانت الدنيا جميلة حلوة 

ومن أجمل ما يكون ......

وراحت الضحكات الحلوة 

وراحت هديك الأيام 

والناس ما عاد تعرف بعضا

 حتى وما بترمي السلام 

وين الحارة واللي كانو 

صارو حلم من الأحلام

 والنفوس صارت مريضة

 وما عاد يفيد الكلام ..........

............................... د . ملك محمود الأصفر