مغرور .......................................................................... د . ملك محمود الأصفر

مغرور
...................................
حاج تلف وحاج تدور
وحاجة بحالك مغرور
إنت بتلعب عالحبلين
وذنبك أبدا مو مغفور
بتغازل لولو وهيفاء
وبدك كل بنات الحور
وبتحاكي لينا وميساء
ونسرين وديمة وزهور
.....................
الحب بيخلق بين اتنين
وبيكبر متل العصفور
وفي إلو بنية وأساس
وبيتألق وسط النور
بيعطينا قوة وإحساس
وبيخلينا متل نسور
وإنت ماعندك إخلاص
داير بين السبع بحور
......................
ما عاد يفيد التفكير
بيني وبينك فرق كبير
أنا قلبي كلو حنية
وبيحب المودة كتير
وإنت قلبك مالو قرار
على طول بيهوى التغيير
عاملي عصفور طيار
ومن زهرة لزهرة بتطير
........................
مفكر حالك دون جوان
وعم بتغازل هالنسوان
ومو عارف إنك أناني
ولا عارف إنك غلطان
وعم تطلع دوم بهالعالي
وتترنح متل السكران
وماشي مع وردة وميسون
وعاملي عنتر زمان
.......................................
د . ملك محمود الأصفر