غيوم/جمال فودة_مجلة امراء العرب للأدب والشعر

غيوم :

لما السما يملاها الغيوم 

و القمر يغيب وتختفى

 معاه النجوم 

 لما البحر يعلى بموجه

 ويغدر ويخون

 و الأحزان تبكى العيون

 لما القلوب تغلى بالشجون

 و اللحن يعزفه وتر حزين

 لما الغنوه تتغنه بشجن وانين

 و الدموع تملى الجفون

 لما الحزن يكسو الخدود 

و الشفايف تدبل زى الورود

 لما الدنيا تتبدل

 و يضيع فيها الخلود

 و الأمانى تضيع ومعاها 

كل الوعود 

لما النفس تتمنى

 الروح تغيب

 يبقى اكيد دا كله 

لفراق الحبيب ...

  جمال فوده 1/5/2019