راجع تانى ليه ؟......عادل علي
راجع تانى ليه ؟
راجع بعد ايه ؟
بتقوللى كفايه بوعد
مستنى منى رد
بعد ما سبت جرح
وسرقت كل فرح
وحب جنيت عليه
راجع بتقول سماح
هنعوض اللى راح
ل قلب مليان جراح
عايزنى اقولك إيه ؟
بعد سنين من عذابى
وحنين ضيع شبابى
على حب كان عندى اغلى
من اهلى ومن صحابى
بتقول ترجع لى تانى
مشتاق عطفى وحنانى
تقدر ترجع زمانى ؟
يا ابو قلب غدار انانى
حبك فى حياتى غلطه
طول عمرى هادفع تمنها
بسهوله جى النهارده
تعيد تانى اللى عدى
ل حكايه وفات أوانها
هترجع تانى اللى كان
ما خلاص فات الأوان
راجع تانى ليه ؟
تعليقات
إرسال تعليق