بقلم ياسر مهدي عمرو
وعملنا هولليله
وقولنا ياحليله
في دنيا الضلمه فيها
عمالنا شخليله
وكائن ف عقلي زفه
بتدق طبول ودفه
وعنيه لما اغمض
واقوم القيها رافه
يابلدنا يا سمره
يامتاجره ف الخمره
بيكفي السكر عندي
والحرق بالجمره
جريت وقولت اتعب
وفوقيا هموم بتركب
واتاري لسه فيه
حجات علي ناس بتصعب
وماله لما ليكي
اتعب واج اشتريكي
وناس تيجي تساعدني
تشوف قسوة عينيكي
اقول يامين اجيرني
في ؤمور تحيييرني
ولناس الشوق واخدها
مش عارفه تفسرني
انا فرد ما بينكوا عاش
دور كتيييير ملقاش
علي لقمه نظيفه أآكل
او فرشه مافيها فاش
عايشين والصعب راكب
والهم علينا غالب
والحال ماباينله عدله
لو حتي فينا قالب
دا كتير ف الناس حروف
واهو مالي قلبها خوف
من واحد شاكله داله
علي انه يكون خروف
مابخافش اقول ف وشك
ولا عمري يوم اغشك
الدنيا بايدك انت
رايحه علي بس كرشك
بتلم تقول هاتولي
والعمده معاك وخوولي
وان جبت ف حقي كلمه
الاقيهم جوم نادولي
وتعد لي السنين
وارجع اقول يا مين
هيحس بينا مره
ويحنن لي الانين
وعيالي عليك تدور
تلاقيك عمال تحور
بتقول الدنيا ضلمه
وانت لوحدك منور
طب رخي الحبل حبه
عبرني كائني دابه
او خف الحمل عني
دي بلدنا زاي غربه
يا بلدنا يا تمثيليه
زعلانه ومتداريه
لامته الصمت فيكي
يبقي كما سهم فيه
وانا واحد فيكي عاش
لساه دوره ماجاش
مستني للحظه تيجي
وياريت قبل المعاش
ياسر مهدي عمرو
تعليقات
إرسال تعليق