العمر ضاع من ديوان / بيحسدوك على إيه للشاعر/مصطفى فريد
العمر ضاع
من ديوان / بيحسدوك على إيه
للشاعر/مصطفى فريد
,,,,,,,,,,,,,,,,,
اشتريتك وانتى بعتى
طب قوليلى ليه رجعتى ؟
تحنى تانى لذكرياتك ؟
مشتاقه لسه لطبع غيرتى. ؟
فى كل مينا
تسألى الايام علينا
حلمنا فى رجوعنا ضاع
سنين طويلة اتسربت
من بين إيدينا
إتحكمت فينا الليالى
وسهرت دمعة عنينا
والقلوب الطيبة
فى الغربة بدرت نبضها
فوق ألف مينا
وغيرت فينا المشاعر
وبغبائنا إحنا ابتدينا
نعلم الإحساس يموت
والبيوت تفضل حزينه
مشتاقه لو لحظة رجوع
من غير دموع
تجرح عنينا
وبين عنادنا وذكرياته
إلتقينا العمر عدى
فاتنا للأحزان رهينه
نشكى من ألم المواجع
عاش ليلاتى القلب دامع
دمع غالى ماحد سامع
دقات آهاته
فى ليل سكاته
الماضى باعنا
سقانا من كاسة وجعنا
وبكره رافض يشترينا
خسرنا اجمل حاجه فينا
الود
والحب
والعشرة القديمه
تعليقات
إرسال تعليق