موكب الهادى.. من ديوان/ على الربابه للشاعر / مصطفى فريد
موكب الهادى..
من ديوان/ على الربابه
للشاعر / مصطفى فريد
......................
موكب سرورنا إكتمل
باسم النبى الهادى
غنى يا طير السما
إطربنا فى الوادى
إنشد فى مولد محمد.
لحن الهنا الشادى
دا حبى للمصطفى.
زادى. وزوادى
أتمنى انول مطلبى.
بزيارة الهادى
عليك سلام الله يا نبينا
ياللى هديتنا يمين وشمال
قلوبنا شهدالك وعنينا
انت الرسول طه المختار
بعثت بالقرآن تشفينا
وتريح القلب المحتار
ربيتنا ع الحب لبعضينا
يدوم مابينا لسابع جار
نشهد بأنك أنت نبينا
وشهدنا لله القهار
عليك سلام الله يانبينا
ياللى اصطفاه الله وحباه
الكون ملاه الفرح يا طه
نورك زاد فى ضياه وبهاه
وبأمر ربى كن فيكون
طاف الملايكة تحت سماه
مواكب الرحمن بتدور
فى ليلة فيها دعاء وصلاه
سموا وصلوا على المختار
فى مولده الكون محلاه
تعليقات
إرسال تعليق