أتحداكى من ديوان / سيبنى أحلم للشاعر / مصطفى فريد
أتحداكى
من ديوان / سيبنى أحلم
للشاعر / مصطفى فريد
>>>>>>>>>>>>
على الرغم أنى
مشدود بين خيوطك
أسير عنكبوتك
حبيس جوه نفسى
فى داخل حدودك
راح أنسى هواكى
على الرغم إنك
لعبتى بمشاعرى
وقلبك خدعنى
لا ح اقدر اخونك
والا انسى همومك
فى أيام جفاكى
وكان غصب عني
ودا كان لأنى
بحبك وحبك
صبح ليا دارى
ورغم انصهارى
فى ألمى ونارى
ورغم إنكسارى
وطول إنتظارى
أخالف خطاكى
ح امشى فى طريقى
عنادك صديقى
و. ح أثبت لقلبك
وقلبى انى رافض
أعيش تحت ذلك
وتابع لضلك
وعمرى إللى فاتنى
ح ابيعة وابيعك
و. ح ابدر خريفى
يسابق ربيعك
ورغم إن قلبى
سالبنى الإرادة
ومشدود إليكى
ح. برفض سماكى
ويرفض أساكى
ويرفض هواكى
ح اعيش بعد منك
واتحداكى
تعليقات
إرسال تعليق