رسايل مخفية
الرساله الثامنة
===========
محبوبتي
بعد السلام
عشق وهيام
وياه كلام
بالنبض حتي احتاجتلك
معني الحنان
لقلب مش لاقي الأمان
غير إنه حس بمعني روحه
لما يا ليلي كتبتلك
وياليلي
يا ست الناس
ياغايبه وعايشه بخيالي
مافيش إحساس
يكون بعدك ولا بعدك
يكون غالي
وحشتيني
بمعني بإني من غيرك
نسيت حالي
وحشتيني
ولو هفضل أنا اوصفها
كمان عمرين علي حالي
ويا حالي
صبرت وباقي علي عهد الغرام لجلك
صبرت ولسه متغرب عشان خاطرك
أنا بحبك
أنا عشقك
وأنا المحكوم عليه يبعد
و روحه سايبها علي أرضك
ومحتاجلك
وبندهلك
أشوفك بين ضلوع قلبي
لكني قصادي مش شايفك
================
ياليلي
عرفتي ولا ماعرفتيش
أنا علي عهدي باقيلك
معاني الحب ماتكفيش
في فجري لما بدعيلك
ياواهب حبها في قلبي
بأسمك ربي تحميها
وعالم مهما أنا أخبي
بإيه فيا وإيه فيها
أنا المكتوب علي جبينه
بكل لغات حروف أسمك
أنا اللي ربنا يعينه
علي الغربه ومش شايفك
صبرت وباقي علي عهد الغرام لجلك
صبرت ولسه متغرب عشان خاطرك
أنا بحبك
أنا عشقك
وأنا المحكوم عليه يبعد
و روحه سايبها علي أرضك
ومحتاجلك
وبندهلك
أشوفك بين ضلوع قلبي
لكني قصادي مش شايفك
=================
احمد طلبه
تعليقات
إرسال تعليق