زاي ماكنت بجرحك ماشي---- ياسر مهدي عمرو
زاي ماكنت بجرحك ماشي
راح العمر كمان ولا جاشي
ديما تمسح دمع عيونك
امسح دمعه كمان ع الماشي
زاي ماكان الحب وراح
زاي ماكان نبضك وانزاح
ريح روحك وانسي الدنيا
ولم بايدك اي جراح
كفي ايديك من هم الدنيا
دنيا سراب بتعدي في ثانيه
كفايه عيونك شايل الهم
وفرح العمر اهو جا لناس تانيه
عملك ايه الحزن ليالي
دمع عيونك عيشته قبالي
وحبل الود نسجته بايدك
ما شوفتك يوم بالغدر تبالي
ابعد حبه عن المستور
بكره الدنيا عليه هتدور
تيجي تبوس الناس ف ايدينا
وتعرف وقتها مين مغرور
عيش اللحظه بكل مافيها
ارضي الروح وبلاش ترضيها
دنيا الغدر بتيجي علينا
ودمع العين ديما يسقيها
زاي ما كنت بجرحك ماشي
امشي ولا تميلش لحد
زمن الرحمه خلاص مابقاشي
واوعه الدمع يكون لك جد
تعليقات
إرسال تعليق