أحبك حب فلا حباه مخلوق------جبار الشمري
أحبك حب فلا حباه مخلوق
حب كلة خضار وأصلة راقي
حب الصحرة لو مر مطر خطار
تشگ افطور جيف التحب ساقي
اشوفك دنيتي واشگد بيها من ناس
واصيرلك خلگ عامل عراقي
انتة الروح يوم تروح انة احتار
شنو قيمة وجودي وخالية اعماقي
يل ما تحمل إذا ما احجي وياك
گلي اشلون تجرع فراقي
خليني انجرح وانذبح راضي بهاي
بسكونك حبيبي بعيني باقي
مرات وية نفسي اصفن اعليك
واگول بلاية حبي شراح أللاقي
حلو طولك وعرضك ترف يهواي
عذب طعمك طيب حيل ياماي الأسحاقي
مدري اشبية لو خازرتك بعين
ارجف كلي من جدمي لعناقي
اهواي بحضني دوم الگالك آثار
وبحلمي اشكثر مرات اشاقي .
جبار الشمري
تعليقات
إرسال تعليق