قصيدة باللهجةالعامية ... بعنوان ... قال لي... بقلم ...د.ملك محمود الأصفر
قصيدة باللهجةالعامية ...
بعنوان ... قال لي... بقلمي ...
..........................................
يا حلوة الحلوات رح لبسك إسوار
واهديك خاتم ماس خلي الصبايا تغار
ورح زينك بالفل والمسك والعنبر
وافرش طريق زهور تا نكمل المشوار
.........................
رح سكنك بالقلب وتبقي إلو خلو
وقلك يا نور العين إنت الفرح كلو
إنت ربيع العمر وأزهارو وفلو
وإنت قمر نيسان بالعالي محلو
........................
إنت يا أطيب طيب إنت الشهد بالكاس
إنت يا أحلى مروج خضرا وأحلى غراس
إنت عبير الورد يا تاج فوق الراس
رح إرفعك عالعرش يا أميرة بين الناس
...........................
رح اقطف النجمات تا قدما هدية
واغزلك من الشمس شالات دهبية
واسكب رحيق القلب بكاسات فضية
وننهل سوى من الحب انا وانت يومية
...........................
قلتلو نور العين قلبي إلك كلو
يا قمر بالعالي ما حدا بوصلو
رح زيح نجم سهيل تا حطك محلو
وإسقيك شهد الحب سكر على حلو
..................................................
د.ملك محمود الأصفر
تعليقات
إرسال تعليق