ما تكلمش ............بقلم / نجلاء عبدالهادي
ما تكلمش
بقلمي
ما تكلمشي عن زمنك
خلاص ولي ومش هيعود
ما تكلمش عن ذكري
ماتت مقتوله يوم مفقود
لا هو تابع تاريخ الامس
ولا الحاضر ولا موجود
لكن لو تحكي احكيلي
عن النظره في طلوع الروح
عن القلب اللي مات مدبوح
عن العهد اللي ما صنته
ولا وفيت بوعد البوح
عاوز تحكي ؟ انا احكيلك
عن الاحلام بقت اوهام
بقت محفوره جوايا
بتبكي آلام
بتنعي الحب مات مقتول
بسيف غدرك وكان مسموم
طعنني في قلبي وفي روحي
ومن غير رحمه صرت حطام
ولسه جاي عشان تحكي ؟
ما عادش لزوم
ما عادش تلاقي روح تسمع
ولا تشعر ولا بتقول
لانك جي بتخاطب جسد ميت
ومات مقتول
بقلم / نجلاء عبدالهادي
تعليقات
إرسال تعليق