مقفوله ليه الشبابيك .........___ ___ ___ ____ ____ ( علي فراج )
مقفوله ليه الشبابيك
والقلب متوارب
عصفور وعامل ديك
ويخاف من الغارب
شمس الشموس حواليك
والبرد جواه دايب
لعل البعد دا خير
شارد م السرب ياطير
رحلة وجع هتصير
خليك هنا ما تغارب
ليه الحياه بلا لون
والطعم ليه عادب
سكرها ليه مدفون
والولد بات شايب
عصفورها يا جوكر
قشقش ورق عوقر
اللعب عالمكشوف
ماتفيد خجل وكسوف
مادمت للجميل ناكر
ألطم خدود معاليك
ماتوا واختشوا قبليك
عصفور وعامل ديك
يغرق في ميت قارب
مقفوله ليه الشبابيك
والقلب متوارب .......
___ ___ ___ ____ ____
( علي فراج )
تعليقات
إرسال تعليق