انت مين يا عم طب رد ما تتكبرش..بقلم الشاعر محمود حسين حنفي

انت مين يا عم طب رد ما تتكبرش
رد يا عم عليه
و هدي اللعب شويه
على طول متكبر ليه
انت فاكر نفسك ايه
ما تتغرش على الناس
اصل انا قلبي حساس
رد وخليك عادي
ده انا بحلم بيك ليلاتي
يا عم رد عليه
خلي في قلبك حنيه
احساسي بيك عالي
في قلبي مكانك غالي
خليك طبيعي وقلولي
سرقت قلبي ازاي
هاقول لك وبصراحه
معك بحس براحه
و جمال الكون ده عالي
يا روح قلبي يا غالي
طب قل لي انت ابن مين
اكيد دول ناس غاليين
منهم احلى الحلوين
هاقول لك كلمتين
عليك نظره عين
سحروني بنظرتين
ده الورد على الخدين
جمالك ده على حق
ده القلب اصلو رق
ريحني وقولها عادي
ده انا بحلم بيك ليلاتي
ما تقول لي انت ابن مين
ده انت احلى الحلوين
هاروح وهقول كمان
باحبك من زمان
انت كل الحنان
معاك كل الامان
هاروح واقول عادي
ده القلب عشانو فاضي
هخلي الكل راضي
بقرارمن عند القاضي
يحكم عليك يا عمري
تعيش معايه عمري
اكيد حبيت كلامي
ودي كانت احلامي
هاروح اكمل نومي
يمكن تتعاد من ثاني
بقلم الشاعر
محمود حسين حنفي