قصيدة عامية... بارق أمل... بقلم...أحمد موسي الأسواني
قصيدة عامية...
بارق أمل...
بقلم...أحمد موسي الأسواني
.......................
عشان الضحكة جوانا
بننسي حزننا ونفرح.
نقاسي قد مانقاسي
دمعة ملهاش عندنا مطرح.
وضي الصبح من بدري
نروح لرزقنا نسرح.
في دنيتنا اللي سيعانا
نشكر الرب ونسبح.
ولمتنا في سهراية
حكاوينا تكون أوضح.
نفضفض فيها بالذكري
طفولتنا وبلعبنا نفرح.
وييجي عمنا الجزار
في يوم العيد ويدبح.
نلم الدم بكفوفنا
نعلم بيتنا ونسيح.
نسابق بعضنا ونجري
وفوق الرملة نتمطوح.
تلف الدنيا ييجي العام
أمل يقول للحزن متفسح.
أحمد موسي الأسواني
تعليقات
إرسال تعليق