(حرام عليك) بقلم(أنس البلقيني)
(حرام عليك)
بقلم(أنس البلقيني)
.......................
قوليلي قلبك عملي إيه
عشان أفضل متعلق بيه
إديتك عمري وكل ما فيه
وقلبي ومشاعري دوستي عليه
كنت أتمنى الرضا يرضيك
ضيعت قلبي حرام. عليك
حرام كل لحظة في عمري تضيع
وأتمسك بيك وأنا شيفك خلاص بتبيع
كنتي نور حياتي وزهرة ربيع
ومعايا غدرك كان سريع
قولي ازاي أشوف عنيك
جرحت مشاعري حرام عليك
ملحقتيش تقولي بحبك
وبسرعة جرحني قلبك
إنتي أكيد مش إنسان
ويوم حبك عليه ندمان
كنت ليكي احترام وكيان
ليه تخليني أعيش حرمان
شكوة قلبي منك ليك
عملت أنا إيه حرام عليك
هعلم قلبي ازاي ينساك
بعد ماعاش بيترجاك
وإن فكر تاني ف يوم بهواك
يبقي أستاهل عذابي معاك
إنتي اللي جواكي أكيد مش قلب
لايعرف شوق ولا يعرف حب
إحساسك بيا أكبر كدب
وصلتي قلبي معاكي ف حرب
قلبك وقولت أصبح ليك
كدبت عليا حرام عليك
بتقولي هبعد وكلمني
مش همك احساسي يقتلني
جنس قلبك نوعه إيه
لاهمك قلبي ولا دمعة عنيه
دبحت مشاعري وأنا كلي ملكك اديك
صدقني حرام حرام عليك
كلمات
(أنس البلقيني)
تعليقات
إرسال تعليق