عد الثوانى والساعات بقلمى ---- عادل علي
عد الثوانى والساعات
وتعالى نبتدى من البدايه
ننسى اللى فات والذكريات
ده كل جرح وله نهايه
وللا احنا ننسى حاجات حاجات
عيش الحقيقه انك معايا
دايما بتهرب منى ليه ؟
والشوق فى عينك ومداريه
سؤال جوابه مش لاقيه
فى الدنيا ايه يتخاف عليه ؟
غير قلب صورتك عايشه فيه
تعيش معاه اجمل حكايه
أحلامنا تايهه من سنين
اشواقنا بين غربه وحنين
نهرب بخوفنا نروح لفين
ورضينا ليه نكون مجروحين
والفرحة ليها مشتاقين
وبايدنا نبتدى من البدايه
عيش الحقيقه انك معايا
عد الثوانى والساعات
وتعالى نبتدى من البدايه
ننسى اللى فات والذكريات
ده كل جرح وله نهايه
وللا احنا ننسى حاجات حاجات
وللا انت حبك مش كفايه
بقلمى ---- عادل علي
تعليقات
إرسال تعليق