فكرت مره اغني..........ياسر مهدي عمرو
فكرت مره اغني
وامحي احزاني وامني
جه دمع قلبي وشافني
قام قالي خليك معايه
هتسيبني فين ورايح
و انت بتأوي الجوارح
بلاش بعقلك تسارح
قربلي واسمع غنايه
موالك عندي وساكن
حتي اسال كل الاماكن
بتحب تبعد ولاكن
سايبك بكيفي ورضايه
بتفكر يعني اما تفرح
وتبعد عني وتجرح
ولحزنك تمحيله مطرح
هتعرف روحي باسايه
و تلحن ف بعدك اغاني
هتغني وترجعلي تاني
ويمكن بردو ف ثواني
الاقي ف حضنك دفايه
ابعد وزاي مايحله
وكحل عيونك بكحله
هعتبرك بردو ف رحله
ومسيرك راجع حدايه
ياسر مهدي عمرو
تعليقات
إرسال تعليق