ثمر اللسان... ( مقالة ايقاعية باللغة المحكية) بقلم ..مرقص إقلاديوس

ثمر اللسان...

( مقالة ايقاعية باللغة المحكية)

بقلم ..مرقص إقلاديوس

......

صدق من قال..إن الكلمة زى الشجر.

و زى ما الشجر

فيه شجر ضل بس،و شجر ضل و ثمر.

الكلمة برضو كدة.

فيه كلمة تريح بس..

و فيه كلمة تريح ، و تربح البشر.

و زى ما الشجر أحواله بتتغير بتغير الفصول.

كلمة الإنسان بتتغير كتير طبقا لأحواله.

يقول لك عاوز تعرف معدنه..طمٓعه أو نرفزه.

ردة الفعل على طول تبين اللي جواه مخٓزنه.

و زي ما الشجر جميل في النور و في الضلمة مدٓاري.

الكلمة برضو

كل ما كان فيها صدق نية للخير. تتقال في عز النهار.

و إن كان فيها سوء نية للشر.

تتقال في الدرا، في وسط الليالي.

خللي كلمتك دايما شجر ضل و ثمر.

و اطلب من ربنا ينٓزل على قلبك دايما من حنيته مطر.

عشان يطرح دايما لسانك كلام فرح و أمل.

ملاح بحور الحكمة..مرقص إقلاديوس