يانجمة عالية... بقلم...منال السويفي
يانجمة عالية...
بقلم...منال السويفي
.......................
أبص ف عيونك
ألاقى نجوم الشوق تبرق
وصورتى مرسومه جواها
أدعى ربنا يصونك
ويملى حبك بحور عشقى
ونظرة شوقك بقلبى
عمرى يوم ما أنساها
تنادينى تلاقينى قدامك
قلبى وروحى خدامك
ولو حلمت بلحظه عشق
ألبى كل أحلامك
يا سارقة كل أحلامى
وبحبك ساكنة بمنامى
تعالى أداريكِ بأحضانى
وأتدفى جوه أحضانك
ثوانى العمر معدوده
وأوقات العشق محدوده
وأشواقنا ممدوده
لا قيس ولا ليلى
ولا عنتر ولا عبله
ولا قصص بنهايه مايله
هتبقى زى قصتنا
يانجمة عالية ف سمايا
ونسمه معطرة هوايا
.هتفضلى فقلبي سكناني
وصورتك ف ننى و معايا
منال السويفي
تعليقات
إرسال تعليق