قصيدة (((( فرصه تانيه .. لا )))) كلمات الشاعر / السيد علي القن

قصيدة

(((( فرصه تانيه .. لا ))))

كلمات الشاعر / السيد علي القن

......................

مستحيل أوصف
شعوري أو هواك
وأنا شايفه
واحده تانيه
واخده روحي
ياملاك
واناشايفه
كل حاجه
ليا ضاعت
لما افتح يوم
عنيا
والتقيك مش
جنب مني
والتقي واحده
تانيه
واخده قلبي
واخده روحي
وعقلي مني
فجأه حسيت
بانكسار
فجأه حسيت
بانهيار
والحياه والدنيا
لفت فجأه بيا
حتي رحت
ف حته تانيه
كل شئ مر
ف ثواني
ذكرياتي
والاماني
وأما شفتك
جنب منها
ضحكه منك
ضحكه منها
وأنت بتخون
حبي فيها
وأنت دايب
عشق فيها
كنت بتغازل
عنيها اما أنا
كنت واهمه
نفسي بيك
كنت ب أعشق
نور عنيك
كنت ب أتنفس
هواك
كنت ب اتسند
عليك
كنت باسعد
قلبي بيك
كنت حتي
بأغير عليك
قلبي كان
يسبقني ليك
يجري ويضلل
عليك
كنت أحس
بشوق اليك
كنت بحلم
حتي بيك
قبل ما تغمض
عنيك
قبل ما أفتح
عنيا
والنهارده شفت
غشك
شفت زيفك
كل كدبك أو
خداعك
وانت بتبيع
حبي ليك
وانا صعبانه عليك
بس اقولك
م النهاردة اترك
حياتي
وإنسي حبي
وذكرياتي
وانسي أتسامح
معاك أو امد
ايديا ليك
وانسي أي
فرصه تانيه
مش ها آمن
تاني ليك
مهما تحلف
مية يمين
مستحيل
انسي ان
شفتك
وانت ماسك
يوم ايديها
وانت بتبوسها
ف عنيها
وانت بتبطب
عليها
مستحيل ارجع
اليك

كلمات الشاعر / السيد علي القن