..لفعال ؤ لقوال.......لفعال ؤ لقوال
......لفعال ؤ لقوال
قويتي لقوام ؤ لعطور
لفعلك درت تزينة
حليتيه عسل ؤ سكار
بننتيه بقبيصة مليحه
من بعيد صوتك رنان
مزينو بنغمة ؤ ريحة
ازمان عرى على فعالك
ؤعيبك بان للعيان
الفرحة ولات فظيحه
تبين للناس الرية والقلب
ؤ الشحمه تديرها تكرديسه
لسانك ارطب تگول رماد
ؤجوفك نار جمرة خبيته
صورتك بالنفاق مدهونة
قدام جميع الناس إبان
وجك نقي ؤ مزيان
لعكر مطلي عل لخنونة
..لفعال ؤ لقوال
تعليقات
إرسال تعليق