نبى الرحمة... من ديوان / ولسه الفؤاد عطشان للشاعر / مصطفى فريد
نبى الرحمة...
من ديوان / ولسه الفؤاد عطشان
للشاعر / مصطفى فريد
...................
أنت النبى الهاشمى والإمام
للمتقين الزاهدين من غير كلام
يارسول الحق والحق الصمام
ذكره منجى من المهالك ع الدوام
كامل مكمل يانبى عالى المقام
أحمد محمد آخر الرسل العظام
يا شفيع بأمر ربى للجميع يوم الزحام
ياخير من نشر المحبة والسلام
بعثت فينا يارسول بخير دين
هديه غاليه ارسلها رب العالمين
نبى عربى وجاى بدين الله ضمين
قرشى وصلا جماعة بالرسل الكرام
للهدايه الله عليك أنزل رسالته
للى شط عن طريقه وعن مسيرته
وبمحبه وبسماحه الدين نشرته
خلى توب الأرض عفه واحترام
دين ونازل ع الخلايق أجمعين
لاجل يشفى العله فى القلب الحزين
علم وشريعة كل شئ جواه يقين
قرآن مفسر فى القلوب أعظم وسام
ياللى حبك فى القلوب له طعم تانى
ياتقى الروح ياساكن روح كيانى
يا للى مالك ضل يا مخلوق نورانى
ياللى بعتك ربى نور ورحمه للآنام
ياخير خلق الله يا أمى يافصيح
سحر الكلام خلى فينا الديك يصيح
ياللى مقامك عند ربى مقام فسيح
حماك وصانك ياكريم يا ابن الكرام
سقيتنى من شهد الهدايه فى حياتى
علمتنى للمحتاجين أخرج ذكاتى
ومن شيطانى أستعيذ وأقيم صلاتى
وأكون فى أول من حضر وقت القيام
تعليقات
إرسال تعليق