بقايا بني أدمين... بقلم... حسن الشوان
بقايا بني أدمين...
بقلم... حسن الشوان
.............
عايشين بقايا بني ادمين
عايشين مانشيت وعنوان
بأي رمز شمال ويمين
بأي شكل هيكل و كيان
خيال مأته في الفدادين
كان ليه شنه ورنه زمان
دلوقت العصافير واقفين
والريح بتلعب بيه كمان
عايشين بقايا بني ادمين
وعناوين توهمك إنك إنسان
وهاوية فيها انت مين
وفي حقوقك مالكش مكان
تعيش ف القاع تدوق الطين
وتشرب الجهل في الكيزان
الصبر جواك طارح ياسمين
عمره ما بيدبل علي الأغصان
وطبعا المرار جواك من سنين
عمرك ما إشتكيت من الحرمان
راضي بالقليل يارب أمين
وتجاعيد القهر ف وشك كتمان
..............................................
................. حسن الشوان ..........
تعليقات
إرسال تعليق