مسدس { شهيد في شهيد }.......للدكتور/خالد عبدالحميد خربوش ٠••••••••••••••••••••••••••••••••
مسدس { شهيد في شهيد }
للدكتور/خالد عبدالحميد خربوش
٠••••••••••••••••••••••••••••••••
شهيد في شهيد وبيشاوروا
عليَّ عشان أصافحهم
وفوق الوش بان بسمه
أصيله ماجاتش مرسومه
في جوف طير خُضر في الجنه
ح تسكن فيها أرواحهم
وواخده بَرَاحها في الجنه
وقالها رسولنا......محسومه
ياخدها الطير لأي مكان
تحب تروحُه....ويحَلَّق
يعيشوا حياه وضوح ويَّاه
مافيش فيها أي شئ يوجع
لها قناديل بـ تأوي لها
في عرش الله بـ تتعَلَّق
وبعد الفُسحه في الجنه
على قناديلها دي ترجع
ومن تقصيرنا في ديننا
في سيرة الموت كدا....نقَلَّق
لـ خَبَرُه ان جانا بـ استشهاد
سماعُه في نفسنا بـ يفجَع
يارب أعيش سعيد ..والبس
جديد...والقاك..في مطرحهم
دا بَعْد الموت يعيشوا حياه
وعند المولى معلومه
……………………………………………
الدكتور/خالد عبدالحميد خربوش
مهداه إلى شهدائنا الأبرار.
يرحمهم الله ويغفر لنا ولهم.
تعليقات
إرسال تعليق