حكم الحكم ...........___ ___ ___ ___ ___ ___ ( علي فراج )
حكم الحكم
بين الحاكم والمحكوم
عزف ونغم
بين عشماوي والمعدوم
مين إتظلم
لما رضيت تبات مظلوم
دموعك كرم
عايش بجم
نطع وصنم
أما أعاتبك
علي خيبة عقلك
وغشامة جهلك
عليه تثور . كأنك ثور
جوه الحلبه . لسه بدور
كأنه موتور . الصوت مسعور
مطفي النور. والكون محروم
شغل عقلك. ولا أقولك
سيبه أحسن لك كده مركون
إن شغلته يبان الساتر مالمستور
وأنت إل راضي تلبس موضة الكستور
الرأس مكسورة جوه الصورة
الروح مقهورة معتش رجولة
غير دي فحولة رغبة وغيرة
إنك تحكم عالمأمور والمحكوم
والقصة قديمة ....
بهية يتيمة ..........
ونارها تقيد
علي قتل ياسين
مين يسمع مين
غير إنه شهيد ......
والحمل تقيل
والقلب هزيل
لكنه عنيد .......
والدم بحور
أخرها قبور
تقيدوا النور
تطفوا النور
ملوهش لزوم
الروح مقهورة
معتش رجولة
غير دي فحولة
عالمأمور والمحكوم
___ ___ ___ ___ ___ ___
( علي فراج )
تعليقات
إرسال تعليق