شوهوا الحب بكلامهم\\شوهوا الحب بكلامهم
شوهوا الحب بكلامهم
ضيعوا اجمل معاني
اه ياقلبي من عذابهم
من جراحهم من هواني
كنت فاكرة الحب حالة
متتوصفش بالكلام
ولا بالقوالة
كنت فاكرة الحب رمز
لاجمل حياة وارق حالة
كنت فاكرة الحب
يعني عشق مالي الوجود
عمره لحظة ماينتهي
ولا يبقي له في الكون حدود
كنت فاكرة وكنت فاكرة
اتاريني في دنيا موش هنا
اتاريني بعيد
عن حب ساكن ارضنا
عايشة بحب عمره يوم
مايلوثه غدركم ولا الزمن
عايشة بقلب عمره
مايقبل ينهدم او ينهزم
عايشة في خيال
مالوش حدود
عايشة بجمال عطره وورود
عايشة بطيبتي وحب
يسعي الكون بحاله
لكن تملي بنجرح
ينداس عليا
وعمره قلبي مايوم فرح
ولاشاف فيوم غير الاسية
الحب ايه عندكم
تلوثوه ليه تملي
بهجركم
الحب عندي
زي زرعة في ارض بور
نديها اكتر تنصلح
ونراعيها
تملي كل الكون خضار
وقلوبنا بيها تنفرح
ووقت مانمد ايدينا
نقطف الزرعة وحصادها
لازم اكيد راح ننجرحشوهوا الحب بكلامهم
هناء محمود...ام عبير
تعليقات
إرسال تعليق