لما الياسمين بدمع العين يتلون ..\\ #هزار يعقوب

لما الياسمين بدمع العين يتلون ..

أحمر علمدى منثور..

لما العمر بالوجع يتعنون...

ما بكفي سطور وسطور..

حكايات تشردت ..

بطريقا تغربت..

ولما بدت..

بكت دهور ودهور..

يا راحل لا تسأل عني..

موجوعة وبعرف غني..

دخلك خدلك شي بصمة مني..

اسمي علشمس محفور..

بمحبة ورد ..

وعشق الندى ..

كتبت البعد ..

جرحت الصدى..

ياريت قلبي اهتدى...

وما نقيتك..

ما اخترتك ..

وبقلبي خبيتك..

وراح الزمان وغاب...

وفرق أغلى الأحباب..

غيرة وعشق..كانت الأسباب..

وزمن خاين وغدار...

بكا لي اسما هزار ..

كانت طفلة بريئة..

عكفوفو كتبت حقيقة ..

بدمعة ونسمة رقيقة...

كلشي عأيدو انمسح..

وقلبا ظلم ..وقلبا جرح..

ياترى هيك الحب بكون...

عشق وأغاني وفنون..

تركني بحالي ياغالي...

صح كنت ليلى..

لما كنت قيس المجنون..

هلأ انا الي حكاية جديدة..

بنسجها من وريدي...

محدا بالهوى سيدي...

أنا هويت نفسي ..

وبالغار والريحان ..

عبيت كأسي...

وحكم الزمان وجار...

هي قصة وهي أسرار..

سمعوها مني ..

يارفاقي الأخيار...

#هزار يعقوب