(اعدام البراءة)... (اعدام البراءة)
بلسان كل طفل عربي سلبت منه طفولته البريئة
بعنوان
(اعدام البراءة)
عمو فين راح
حضن ماما
فين فرحنا
راح فين هنانا
فين الامل
تاه من طريقنا
واندفن
فين الحبايب
اللي كانوا جمبنا
قريبين تملي معانا ومننا
في حزننا بيحزنوا
وف فرحنا بيفرحوا
ااااه ياقلبي
ااااه ياحرقة جرحنا
قول ياعمو
لامته هنفضل بالشكل ده
نخاف ننام
لانقوم علي صوت الدمار
نخاف نغمض
لانفتح عيونا ع الدم
مالي المكان
وفي كل حته
مترمية الاطفال
عمو فين فرح الطفولة
والبراءة
من اللي شوفته
قلبي شاخ وانكسر
عمو اسفة انا بعتزر
ملعون رضوخكم
ويا سكوتكم والاستكانه
لو ماحد هيداوينا
احنا نقدر علي جرحنا
لو شربونا الحزن
نقدر نموت فينا حزننا
لو يكسرونا. ماننكسر
لو يهدمونا ماننهدم
بكرة احنا نجيب حقوقنا
ونحرر تاني ارضنا
ميرسي ياعمو متشكرة
وصل سلامي لباقي عمومي
وقول لهم
موش محتجاكم
ولاهشحت عطف منكم
انا وابن عمي واخويا وجاري
بكرة هنحرر بلدنا والاراضي
وبرضو هنحمي عرضكم
هناء محمود... ام عبير
تعليقات
إرسال تعليق