( أنا الكداب ) بقلم هدى سيد ٢٠١٧/٤/١٩
قصيدة / ( أنا الكداب )
بقلمي هدى سيد
٢٠١٧/٤/١٩
واوعاكى ف يوم احلف
واقول ان انتى نقطة ضعف
او احلف لك بميت حلفان
بان حياتى من غيرك
حياة تايهة بدون عنوان
او اجى واقول ما ليش غيرك
يا مختلفة ومنفردة فى تكوينك
واوعى يوم ما اجي ابكى
واقول محتاج اكون حدك
ومحتاج اترمي ف حضنك
وادوق طعم الحنين منك
وأبكى لك بدمع العين
وأحلف لك بالف يمين
بإنك ماشية فى الشرايين
بإنك سارية فى دمي
ساعات اختي وساعات امي
ومهما أقول ومهما أعيد
بإنك فرح ليلة العيد
او انك بهجة الاناشيد
وانك فرحة التغاريد
وطلة نور لفجر جديد
ومهما سرحت انا بيكى
قدرت اعزف على وترك
وقلت كلام لمس قلبك
ورق وحن
بلاش المح ف ضي عنيكى
دمعة شوق حنين وغرام
بلاش اسمع لقلبك دقة
تقول حنيتى وضعفتى
ده انا الكداب ف كل ما قلت
انا الكداب وانا مرواغ
ومهما حلفت
واياكي تصدقي كدبي
ده انا الكداب ومش صادق
وثقتك فيا كات مش صح
ف سامحينى لانى كدبت
او اقولك ما تغفريليش
ولا ابدا تسامحيني
دموعك كات عشان واحد
ل طهر دموعك ما صانهاش
ف والله ما استاهل
فاوعاكى تسامحينى
انا اللى باقول ما تغفريليش
ما تغفريليش
ما تغفريليش
تعليقات
إرسال تعليق