ليـلـــــــة قمـــــــــر\\\\\\\\\؛؛؛؛؛؛؛؛؛؛؛؛؛؛؛؛؛ عبيــــــر الجنــــدي
ليـلـــــــة قمـــــــــر
؛؛؛؛؛؛؛؛؛؛؛؛؛؛؛؛؛؛؛؛؛
يا طلة القمر الجميل
إنت الدليل لىّ إذا طال السفر
وانت الأمل لو يوم ظهر
وانت المطر بيهز شباكى الحزين
وانت القمر
بيجيب عشان قلبى المحبه والخزين
وانت الليالى مؤلمه ..على مبهجه
لو فيه خطر إنت النجا
وانت الزهور فوق الجسور
وانت البخور الصافى
فوق كل الجهات
لك يا حبيبى الأمنيات
لك كل حاجه فى الوجود
لو حتى أبعد يوم .. عنيك ..
بتنادى لىّ .. عشان أعود
إسقى الورود .. ويا الشجر
وابدأ سهر جوايا فى ضوء القمر
وراعينى .. خلى عيونى تعشق فى السهر
يا حبيب عيونى الطيبه
إرسملى جوه عنيك شراع للمركبه
رجعنى تانى لكل أيام الصبا
واسبقنى لو بيننا ميعاد
آه يا لُقا الأعياد مع الطفل اليتيم
والله والله العظيم
ما عندى غيرك ع الطريق
إنت الحبيب وانت الصديق
يا اللى انت ساكن فى الضلوع
لو كنت ذنب .. رهيب رهيب ..
يا حبيبى مش عايزه أتوب
أنا عايزه ادوب وياك
فى أيام المحبه المؤمنه
تصبح أنا إنت ..
وإنت كمان أنا
إتهجى وانت معايا كلمة حب ..طاهره حنينه
كل الحاجات الممكنه
اقدر أجيبها ليك ..وأتحدى الظروف
وأطوف معاك
فى دنية الحب الشريف المنتظر
واسمع نصيحتك لىّ بالصوت الجميل
أرجوكى تاخدى م الجميع مليون حذر
؛؛؛؛؛؛؛؛؛؛؛؛؛؛؛؛؛
عبيــــــر الجنــــدي
تعليقات
إرسال تعليق