رصاصة الرحمة .......... هناء محمود...ام عبير
رصاصة الرحمة
تايهة ازاي عن قلبي
وهان عليها تبعد
عن دربي وتسيبني
اجيها شمال
تجيني يمين
ياتوهة قلبي ياحيرتي
القلب شاب وماليه عذاب
وزارع لي شوك في سكتي
قد الخطاوي والغناوي
والحروف ماليني خوفي
من كل حاجة عن طريقك
تقرب مني ومن دنيتي
سر خيبتي ونكبتي
سر ضياعي في دنيتي
سر دموعي اللي دايماً
تجري مني وتغرق تملي
مخدتي
لو رصاصة الرحمة تصدق
وتعرف طريقها لدقتك
وتقضي نهائي علي
حنانك حبك ورحمتك
لو تخطفك من جوه مني
واعيش بدونك
تبقي فعلاً رحمتني
ورحمتك من جنونك
لو خلاص تبعد وتهمد
وتسيبني اكمل حياتي
مع عقلي بعدك
بس بردة العقل
زيك يمكن اكتر
سايبني دايماً
ووحده عمال يفكر
كل الناس شاغلينه دايماً
وانا في حساباته
وفي قراره اخر من يعلم
هي رصاصة الرحمة
تصدق
يوم تجيني
تصيب قلبي وعقلي
بس فاضل نن عيني
وانت جوة منه ساكن
ااااه ياحيرتي
ااااه ياتوهتي
ليه ياقلبي
ليه ياعقلي
ليه ياعيني
بتظلموني
هناء محمود...ام عبير
تعليقات
إرسال تعليق