( كنيسة .. وجامع .. ! ) !!!!!!!!!!!!!!!!!!!!!!!!!!!!!!~? محمد ? البكرى ?
( كنيسة .. وجامع .. ! )
!!!!!!!!!!!!!!!!!!!!!!!!!!!!!!
لما البنت اللى عودها
زى غصن البان
تلف الحواية فوق راسها
تشيل زلعتها وتمشى تتهادى
رافعة بين العباد راسها
تنظر بتيه وعجب ودلال
ولسانها يدعى لأهلها وناسها
تحضر صلاة ف- الحسين
وف-الكنيسة حاضره قداسها
تبقى انت يا ولدى ف-مصر !
******************
ما هى دى أمنا
وهو ده
ف- وسط الخلايق أصلنا
مسلم مسيحى يهودى
كل أديان السما عاشت هنا
والأصل فينا إن جدنا واحد
عمره ما كان إتنين
عشنا ف- وادى النيل بالسماحة
وف- قلبنا رب العالمين
وكان الحب ف-قلوبنا أساس
يحمى مشاعرنا من الوسواس
بس يا خسارة
ضاع الحب وبقينا
مفيش إحساس
v´¯)
`·.¸.·´
¸.·´¸.·¨) ¸.·¨)
(¸.·´ (¸.·´ (¸.·¨¯`? .
~? محمد ? البكرى ?
تعليقات
إرسال تعليق