لسه عايله ألهم يامه.....احمد عبدالقادر
لسه عايله ألهم يامه
بتساليني ع العيال
لسه عايله ألهم يامه
حتي وانا راجل وعال
هو قلبك يامه ماله
هو ليه أخضر حشيش
دا انتي كنتي بتساليني
وارد عادي واقول مفيش
هو قلبك يامه ماله
ليه بتبكي وماتنميش
كنتي تدعي يارب خدني
المهم الواد يعيش
كنتي نفسي تعيشي يامه
وتشوفيني وعندي بيت
النهاردة عرفت يامه
يعني ايه كلمة يا ريت
النهاردة عرفت يامه
يعني ايه خوفك عليها
لما كانت أيدي ف ايدك
واخجل انك تمسيكها
النهاردة عرفت يامه
يعني ايه خوفك علينا
النهاردة عرفت قيمتك
لما تصحي تفطرينا
لسه عايله ألهم يامه
بتساليني ع المدام
لسه عايله ألهم يامه
بتقوليلي راتبنا كام
نامي يامه وما تخفيش
سلامي على ابويا عندك
لسه لينا فيها عيش
الحياه من غير رضاكم
صعبه يامه وما تسويش
احمد عبدالقادر
تعليقات
إرسال تعليق