أيوه أنا قبطى..........أحاسيس ( شريف الشعيبى )
أيوه أنا قبطى
بس ف الاصل مصرى
هو دا دينى وهى دى أرضى
جدودى بنوا فيها معابد وقصور
وليا فيها بدل الجدر جدور
وزرعوا صحاريها نخل وزيتون
ولما طرحت طرحت قلب حنون
والعدرا لما هزت نَخلٌها
نزل تمرها نور
وعيسى بزيت زيتونها
كحل بالمحبه العيون
أيوه أنا قبطى
بس فى الأصل مصرى
مية نيلها بتجرى تحت جلدى
وترابها المعجون بعضم جدودى
مكسى منه لحمى
والفجر اللى بيدن كل صباح
يبقى فجرى
منا حافظ م القرأن
صورة مريم بنت عمران
واخويا فى الرضاعه سُنى
يبقى إذاى مش مصرى
وأنا نصى مسلم ونصى قبطى
====================
أحاسيس ( شريف الشعيبى )
تعليقات
إرسال تعليق