دويتوووو البلياتشو ---------بقلم الشاعر طارق العيسوى و جهاد نوار Gardiana elnil
دويتوووو
البلياتشو
---------
انا الضاحك وكلى جروح
انا السامر بعذب البوح
انا الشافى لكام مجروح
وباحكى الكلمة والبسمة
ماليها النوح
فى عز الضحكة من قلبى
مرارة تفوح
بقيت مش لاقى ياصاحبى
غير المسموح
باضحكهم وانا الباكى
انا الممسوح
وانا اللى كنت يا قلبى
كتاب مفتوح
لكل الدنيا بيساعها
كمركب نوح
بقيت وحدانى متاخد
فى غربة روح
لبست قناع ومتخفى
كأنى هروح
ومش راجع ولا تشفى
منى جروح
طارق
-----------------
سلاامة قلبك الصافى
يا رى الروح
يا بسمة عمرنا الدافى
و وجه صبوح
تضحكنا و ليه باكى
بغنوة نوح
عيونك سر الهامى
و دوا المجروح
جاردى
-------
سلامة عمرك الغالى
عبيره يفوح
ماهى الضحكة
كما الدمعه
شغاف الروح
سبحانه ربى قدرنا
عشان مانبوح
ونحكى مر اوجاعنا
كتاب مفتوح
طارق
-------
كتاب مفتوح
بيحكينا
صدى الهمسات
بدمعة مرة يروينا
و ضحكة ساعات
جاردى
------
دى حال الدنيا
يوم ضحكات
ويوم ازمات
وبنقاسى
محدش مات
تودينا
وتجيبنا
بعيد مسافات
وبقلوبنا
مشاعرنا
تكون عبرات
بتخنقنا
تريحنا
اوى الدمعات
طارق
---
تريحنا دموع الفرح
و نبكى اهات
بلون الدم نكتبها
و محدش مات
جاردينيا
--------
دموع فرحة كانت تنسال
على الخدين كما السلسال
يامتعذب ووحدانى تعالى
ياخال
بعتلك انا ياما كتير مرسال
مبتردتش ولا تسال وهو
ده حال
عموما دمعنا فضحنا كلام
ينقال
كلام م القلب كما الفضة
بريقها زلال
طارق
----------
مش وحدانى فى وجودك
لكنه محال
يروق الحال و انغامنا
لها موال
صداه الحلو بيعذب
كتير عزال
جاردى
-----
اهى الدنيا
على دا الحال
كلام ينقال
وميت موال
بيتقسم
على احوال
وبندندن على عمال
وبنهيس على بطال
ساعات شيال
حمولة تمام
ساعات خيال
وانا راكب
حمولها جمال
تعاندنى
اكون حمال
وتدينى
خيرها ارطال
واهى دنيا
غريبة ياخال
طارق
بقلم الشاعر طارق العيسوى
و جهاد نوار
Gardiana elnil
تعليقات
إرسال تعليق