*** السماح ------------------------[مبروك البنا]---------------
*** السماح
-----------
*يا أجمـل بسمـه في الدنيـا وفي عـيـوني
يا روح قـلبـي يا أحلي عـذاب يا جنـوني
دا لوهـانت الدنيـا عـلي قـلبـي ما تهـوني
عشان طيبة قلبي وحُسن النيه سامحـوني
*وحياة الشوق اللي في قلبي وبقاله سنين
كُـل ما تـقسـي علي قلبي بتـزيدني حنيـن
وغيابك طـال وحالي حـال وبقالي يومين
في الحب قـلبـي بيـتهجـي أول حـرفـيـن
*لسه فاكـر اصل الحكايه كان يامـا كـان
حب يجـري في قلوبنا منبعه نهر الحنـان
شجره بتظلل علينا اسمها الخيـر والأمان
لسه في قلبي مكانك وانت ليه كل الزمان
*يانبض الشوق حن عليه آآآآآآآآه وارحمني
لسه قلبي بيعشقـك ومين علي البُعـد يعيني
قلبي لسه بيصـدقك اعمل ايه غصـبٍ عني
ولو بعادك عني طال ياموت عليك يا تجنني
*جميل جماله مستوي ولون الخـدود وردي
الشعر نيل والعين كحيل يا وعدي يا وعدي
زي القمر بيزيد كماله وبزوغه يوم سعدي
وبلاش عنـاد فين الوداد حـاد المِـراس قلبي
*يا قـلبي سامـح ومش هحـايـل تـاني فيـه
قلبي بيرضي غروره لأنـه بالحب شـاريه
صعب علينا ننحـرم من جمـال نظـرة عنيـه
السماح دي روحي فيه متشعلقه هتموت عليه
*** موال
يازارع الورد وردي عندك زهروا
بالحب والحنيه أرويـــه بقلبك دللوا
والله وردي ما في غـيـرك يشغـلوا
ولمـا يحسـك كـل براعمـه ينـوروا
السماح يـاراعي البـستـان كـرمـوا
وبالحنـان خـلي العـيـون يتكحـلـوا
قـلبي لغيـر قلبك يا جنـايني ماإلـوا
خـلـي الشفـايـف بـالمحبـه يـهـللـوا
---------------[مبروك البنا]---------------
تعليقات
إرسال تعليق