((( وبتعجب )))....بقلم/مايسه العشى
((( وبتعجب )))
وبتعجب على الدنيا
وليه واخدانى بعيد ديما
وليه سارحه وليه جارحه
وليه ديما معندانى
وليه بتموت فى احلامى
بتاخد قلبى بعيد عنى
وسيبانى فى توهه وحزن
ادور فيها على السكه
وانا تايهه ومش لاقيه
طريق الحب قدامى
اعيش فى الضلمه ايامى
وتطفى الضى فى عيونى
وتخلص شمعتى بدري
ده انا نفسي فى يوم افرح
وارسم على الجبين ضحكه
واتعايق واتمخطر
ولا يخطر على بالى
اعيش لحظه فى احزانى
بقلمى/مايسه العشى
تعليقات
إرسال تعليق