قصيدة ( غرق عاشق ) بقلم / هدى سيد ٢٠١٦/٩/٣١
الشاعرة هدى سيد
قصيدة ( غرق عاشق )
بقلمى / هدى سيد
٢٠١٦/٩/٣١
قالت لى بص ف عيونى
يا دوب بصيت ف لفونى
عيونها الساحرة أخدونى
و غمز رموشها دبحونى
عن الدنيا خدونى بعيد
وعزلونى
مشيت فى الدنيا كالمجنون
وعقلى بيها كان مفتوووون
نسيت بيها جميع الكوووون
لقيتنى عن مساوئها كما
المعصوب
بقيت م العشق لعيونها
صحيح راضى لكن مغصوب
لا عارف أنول رضا منها
ولا م العشق عارف أتوب
أنا المسحور ف ملكوتك
أنا العاشق صدى سكوتك
أنا اللى شاددنى جبروتك
مسكتى ب إيدى ف نسيتنى
نسيت إنى ف أمان ع الشط
سحبتينى وف بحورك لقيت
قلبى قوام راح نط
وفجأة فوقت من سحرى
وأنا الغرقان فقدت الشط
لقيتنى وسط أمواتك
وعشاقك
لقيتنى واحد من ضمن الآلاف
يتعد
يا ريتنى ما كنت لعينيكى
ف يوم بصيت
يا ريتنى ما كنت لقلبك
ف يوم حنيت
شيطانة ف توب ملاك طاهر
وف الاخر
أنا اللى جنيت على نفسى
أنا اللى اخترت
تعليقات
إرسال تعليق